Ҳамчунин, ҳамроҳ ба ҷашнгоҳи асосии мамлакат, варзишгоҳи марказии шаҳри Душанбе меравем ва табрикоти раисҷумҳур Эмомалӣ Раҳмонро низ аз ҷумла аз он ҷо хоҳем шунид. Ва на танҳо. Берун аз варзишгоҳ, дар ҷодаҳо чӣ ҳолу аҳволе хоҳад буд, онро низ хоҳем шунид.
Сипас, чеҳраҳои ҳунари тоҷик – шоира Фарзона ва Меҳмон Бахтиро низ Шуморо бо Наврӯз табрик хоҳанд гуфт.
Ҳизбдорон Давлаталӣ Давлатов, Муҳиддин Кабирӣ ва Шодӣ Шабдолов низ Наврӯзро табрик хоҳанд гуфт.
Сарояндагони саршинос Баҳром Ғафурӣ аз студияи шаҳри Душанбе ва Адҳам Холиқов бо телефон аз Милани Италия мустақим бо сурудҳои тоза Наврӯзро табрик гуфтанд. Баҳром, ки ба тозагӣ ҳамроҳ бо Фарҳоди Милод (муаллифи матн ва оҳанг) ба «Муҳоҷирбача» клип омода карда буд, муҳоҷирони тоҷикро бо ин суруд дар ин Наврӯз ба Ватан хонд. Адҳам низ зинда «Аривидерчи, Рома» (Падруд, Рим) гуфт.
Шунавандагони гиромиро ҳамчунин бо як модари 115-сола, ки дар ноҳияи Бохтар ба сар мебарад, шинос мекунем, ки аз ҷашнгириҳои Наврӯз дар асрҳои 19 ва 20 нақл мекунад.
Таронаҳои наврӯзӣ ва табрикоти сокинони оддии Душанбе бо Наврӯзро низ метавонед бишнавед.
Сарояндаи маъруф Давлатманди Хол дар бораи суннатҳои наврӯзӣ ҳикоя мекунад ва ҳам аз он сӯҳбат мекунад, ки наврӯзро дар хонаводааш чӣ гуна ҷашн мегирад.
