Намояндагони Кумитаи кор бо занон ва оила мегӯянд, соли гузашта дар кишвар талоқ ва ҳамчунин никоҳ низ кам шудааст.
Тибқи омори расмӣ, соли 2024 дар Тоҷикистон 9 ҳазор оила аз ҳам ҷудо шудаанд, ки назар ба як соли пеш ҳазор адад камтар будааст.
Ба гуфтаи мақомот, соли гузашта 75 ҳазор ақди никоҳ дар кишвар сабти ном шудааст, ки дар қиёс ба соле пеш ҳазор адад камтар аст.
Бунафша Файзиддинзода, раиси Кумитаи занон гуфт, издивоҷҳои бармаҳал ва омода набудани духтарон ба зиндагии мустақилона, аз сабабҳои асосии ҷудошавии оилаҳо дар Тоҷикистон аст.
Пошхӯрии оилаҳо ва маҳрум шудани фарзандон аз тарбияи яке аз волидайн солҳост, ки аз мавзуъҳои нигаронкунанда дар ҷомеаи Тоҷикистон аст.